Balansekunst
Mannen i den glinsande, blå trikoten leikar lett og ledig på lina. Publikum glanar, alle har dei kvitt skjegg av sukkerspinn.
Trommevirvlar.
Mannen i den glinsande, blå trikoten mistar balansen. Publikum gispar, alle har dei kvitt skjegg av sukkerspinn.
Mannen i den glinsande blå trikoten må snart falla. Tyngdekrafta krev det. Publikum ventar, alle har dei poppkorn i venstre neve.
- Amatør! ropar ei kvinne med spiss nase.
Linedansaren balanserer vidare. Publikum slepp ut eit stort sukk og puttar popkorn i munnen.
Eg lener meg inntil deg, så nært at du får sukkerspinn i håret, og kviskrar.
- Veit du? Eg har alltid likt linedansarar som nesten fell, men som i siste sekund vinn attende balansen, betre enn dei som kjem feilfritt over.
Du nikkar, legg eit popkorn i munnen min. Me er snublande menneske i glinsande trikotar.
Kommentarer
fiksjon. reinspikka vrøvl.
:)
Hald det oppe.
Om du les bloggen min ser du at eg har registrert at du har lagt ut ein oppgåve til meg. :) Det kjem snart.
Eg er jo trass alt megsjølv lik når det gjeld tidsbruk o.l. Sjølvsagt...:)
Snakkast snart. Håper fyrste helga tilbake i hovudstaden artar seg bra. Eg fer til Bergen og mormors 85-årsdag. Kake og kaffi i bøtter og spann... Wehu!
Til neste gong...
:)